Hamiləlik əlamətləri: menstruasiya gecikməsi, yorğunluq, yuxululuq, süd vəzisində həssaslıq və şişkinlik, tez-tez sidiyə getmə, bel və qasıq ağrısı, qoxulara qarşı həssaslıq və ürəkbulanma hamiləliyin ilk dövrlərində görülə biləcək əlamətlər olaraq göstərilir.
Hamiləlik əlamətləri adətən hamiləliyin ilk 1-2 həftəsində başlaya bilər. Ancaq hamiləlik əlamətləri və simptomların şiddəti fərqli ola bilər.
Hamiləlik əlamətləri nələrdir?
Menstruasiya gecikməsi müntəzəm menstruasiya olan qadınlarda hamiləliyin ən erkən və ən etibarlı əlamətidir.
Hamiləliyin ilk həftələrində menstrual qanaxmaya bənzər “ləkə” kimi çox az qanaxma müşahidə oluna bilər. Bu qanaxmaya implantasiya qanaxması deyilir.
Erkən dövrdə görülə bilən hamiləlik əlamətləri:
- Zəiflik, yorğunluq, yuxululuq
- Əhval dəyişməis
- Süd vəzisində həssaslıq, şişkinlik
- Süz vəzisinin ucunda qaralma, areola adlanır
- tez-tez sidik ifrazı
- Bel və qasıq ağrıları
- Şişkinlik
- Qoxulara qarşı həssaslıq
- Ürəkbulanma və qusma (xüsusilə səhərlər müşahidə olunur)
- Bədən istiliyində artım
- Artan ürək dərəcəsi
- Ürək döyüntüsü hissi
Təbii ki, hər hamiləlik fərqlidir və bütün bu əlamətlər hər qadında görünməyə bilər. Eyni zamanda, bu simptomların tezliyi və şiddəti fərddən asılı olaraq dəyişə bilər.
Hamiləlik əlamətləri nə vaxt başlayır?
Ümumiyyətlə, hamiləliyin ilk dörd həftəsi menstruasiya gözləməsi səbəbiylə fərq edilə bilməz.
Hamiləlik əlamətləri hamiləliyin ilk trimestrindən 1-2 həftə ərzində başlaya bilər.
Hamiləliyin 4-cü və 6-cı həftələri arasında döşdə dəyişikliklər başlayır və döş ölçüsü arta bilər. Gələcəkdə məmə ucunun (areola) qaralması və rənginin dəyişməsi müşahidə oluna bilər.
Ürəkbulanma və qusma adətən 4-cü və 6-cı həftələr arasında artır və 9-cu həftədə pik həddə çatır.
Hamiləliyin 8-ci və 10-cu həftələri arasında ürək dərəcəsinin artması baş verə bilər. Hamiləliyə görə orqanizmdə estrogen (qadınlarda reproduktiv funksiyanın inkişafını təmin edən hormon) və progesteron (qadınları hamiləliyə hazırlayan hormon) hormonları artdığından;
- Narahatlıq,
- Depressiya,
- Eforiya (həddindən artıq sevinc) kimi əhval dəyişiklikləri müşahidə oluna bilər
Hamiləlik testi nə vaxt edilməlidir?
Evdə edilə bilən hamiləlik testi adətən menstruasiya gecikməsindən bir həftə sonra müsbət nəticə verir. Ancaq bu testlər sidikdə hamiləlik hormonu (Beta-HCG) yoxlanılaraq qiymətləndirildiyi üçün nəticənin müsbət olması üçün dəyər qan testindən yüksək olmalıdır. Buna görə də onun həssaslığı aşağıdır.
Beta-HCG-nin qan testi ilə yoxlanılması daha dəqiq nəticələr verir. Hamiləlik hormonunun qanda müsbət olduğu ən erkən vaxt cinsi əlaqədən 9-12 gün sonra olur. Adətləri nizamsız olan və ya son menstruasiya tarixini xatırlamayan insanlar cinsi əlaqədən sonra 14 gün gözləyə bilərlər. 5 IU/L-dən aşağı olan dəyər mənfi hesab olunur. 5-10 IU/L arası şübhəli, 10 IU/L-dən yuxarı isə müsbət hesab olunur. Şübhəli və ya müsbət dəyərləri izləmək lazımdır.
Hamiləlik hesablama
Hamiləlik həftəsi və doğum vaxtı qadının son menstruasiya dövrünə əsasən hesablanır. Hamiləliyi hesablamaq üçün gələcək ana son menstruasiya tarixini dəqiq bilməlidir. Təxmini doğum vaxtı bu tarixə 280 gün əlavə edilməklə verilir. Bu vəziyyət hamiləliyin 40-cı həftəsinə uyğun gəlir. Ancaq sağlam hamiləlikdə doğum 37-42-ci həftələr arasında baş verə bilər.
Gələcək ana menstruasiya tarixindən əmin deyilsə və ya xatırlamırsa, qanda Beta-HCG dəyərinə və bu dəyərdəki artıma və ya ultrasəs nəticələrinə görə hamiləlik hesablama edilə bilər.
Xüsusilə ilk trimestrdə edilən ultrasəs ölçmələri hamiləlik və doğum həftələrinin hesablanmasında yüksək həssaslığa malikdir. Trimestrlər dediyimiz hamiləliyin üç aylıq dövrləri qısaca belə ifadə edilir:
- Birinci trimestr: 1-14. həftələr arasında
- İkinci trimestr: 14-28. həftələr arasında
- Üçüncü trimestr: 28-42. həftələr arasında
Aylıq olaraq hesablasaq:
Uşağın ana bətnində hərəkəti nə vaxt hiss olunmağa başlayır?
Körpənin hərəkətləri ilk dəfə hamiləliyin təxminən 18-20-ci həftələri arasında ana bətnində hiss olunur. Əgər bu sizin ilk hamiləliyinizdirsə, bu dövr daha gec ola bilər. Daha əvvəl doğum etmiş hamilə qadınlarda körpənin hərəkətləri daha erkən, təxminən 16-cı həftədə hiss olunmağa başlayır.
Hamiləlik irəlilədikcə körpənin hərəkətlərinin tezliyi və intensivliyi dəyişə bilər. Xüsusilə günorta və axşam saatlarında körpənin hərəkətləri artır. Körpənin gündüz və gecə 20-40 dəqiqə yuxu müddəti var. Bu müddət nadir hallarda 90 dəqiqədən çox olur. Yuxu prosesində körpə hərəkət etmir.
Körpənin hərəkətləri ümumiyyətlə 32-ci həftəyə qədər artmağa meyllidir. Bundan sonra hərəkətlər daha sabit olur. Doğuş yaxınlaşdıqca və körpə böyüdükcə onun hərəkət qabiliyyəti azalır və hərəkətləri yüngülləşə bilər.
2 Comments